Bangladesh inthlanpuiah venhim hna thawk turin sipai nuai 6 chuang rawih an ni.

0
329
views

Inthlanpui kaihhnawihah tharum thawhna a thleng nual a, Prime Minister Sheikh Hasina chuan a zawna term 4 a chelh leh theih rin a ni. Venhim hna thawk tura rawih sipai nuai 6 chuang hian election booth sing 4 chuangah venhim hna an thawk a ni. Muslim te chen tamna Bangladesh inthlanpui vuakvetah hian buaina a chhuak nual a, rorellai pawl Hasina thlawptute leh eptu pawl Bangladesh Nationalist Party thlawptute inkara buaina chhuakah mi 13 in nunna an chan bakah mi sang tel hliam tuar an awm a ni.

BNP hian anmahni thlawptute chu sorkarin hrekbetin a tih \haih nasa hle niin an sawi a, tun \um inthlanpuiah hian Awami League leh BNP te chu an \angdun a ni. BNP hruaitu sum ti chingpena puh avanga Jail tang mek, Khaleda Zia chuan election commission chu lai lo taka ruahmanna siamah a puh a, electon chief commissioner KM Nurul Huda erawh chuan hei hi thu dik lo a ni a ti ve thung. Eptu pawlte chuan anmahni thlawptu mi 14,000 zet chu inthlan puan hnuah man an ni tawh niin an sawi a, rorellai pawl thlawptute tharum thawhna avangin eptu pawl mi 12,000 ten hliam an tuar tawh niin an sawi bawk.