Bank kaltlanga sum dik lo taka peipun thubuai tharah Punjab CM makpa tel

Bank kaltlanga dik lo taka pawisa peipun chungchang thubuai tharah, Punjab CM, Captain Amarinder Singh-a makpa Gurpal Singh a tel ve. Gurpal Singh leh midang 11 chu Oriental Bank of Commerce bum-ah puh an ni tih CBI chuan a sawi a, an vai hian Simbhaoli Sugars Limited hotute an nih thu leh, bank hnathawk thenkhat lakah thubuai an ziahluh nghal thu an sawi a ni. He company-ah hian Gurpal Singh hi Deputy Director-te zing ami a ni a, an company hming hian kum 2011 khan cheng vbc 150 vel, RBI scheme hnuaiah, loneitute hnena pek tur pawisa an dil a, pawisa hi loneitute hnenah pek ni lo in, company hminga account dang siamah thawn luh a ni ta zawk niin CBI te chuan an sawi bawk a, hemi hnu pawh hian Oriental Bank of Commerce atang tho hian loan chi hnih lai an lak thu leh, heng loan-te hi a hmanna tura an hman chhunzawm leh loh thu an sawi bawk a ni.