Baptist Church of Mizoram Assembly tan

0
873
views

Baptist Church of Mizoram rorelna sang ber, Assembly Nilaini zan a\anga Lunglei Zotlang Biak Ina neih mekah nimin khan BCM President kalchhuak ta, Rev. H. Lianngaia chuan Chairman Elect, Rev. Lalbiaksanga Chinzah hnenah mawhphurhna a hlan a, hemi hnu hian rorel palai 1,034 te chuan ro an rel zui nghal a ni. Rev. PC Liandula chu nakkuma Chairman atan thlan a ni a, hemi hnua rorelna neihah Missionary Day atana lo hman \hin, January ni 11 chu sorkar Pisa chawlh ni, Holiday pangngaia puang turin Mizoram sorkar-ah ngenna thehluh ni se tih te, Mizoram pum huapa \awng\ai inkhawmpui neih ni se tih te, Beihrual Thuzir hi September thla chawhma lamah neih leh ni rawh se tih te, Sacramental Wine atan Hnahlan Grape Growers’ Association te siam lei chungchang chu ennawn leh ni rawh se tih te, kumin kum tawp lama Mizoram Assembly inthlanna neih tur \ha taka neih a nih theih nan Mizoram pum huapa \awng\aina neih ni se tih te a tel ni. He Assembly hian Pathianni thleng a awh ang. BCM Assembly-ah hian Mizoram Synod a\angin Finance Officer, Rev. H. Remthanga leh Upa Lalhmasaa te, ECM a\angin Assistant Secretary, Rev. K. Beisa leh Upa Ch. Nohma, LIKBK a\angin Assistant Secretary, Rev. Dr. C. Lalmuankima leh Secretary, Rev. V. Suikharliana, Zomi Baptist a\angin Rev. J. Thomte leh Upa Zam Za Lang, TBCU a\angin Assistant General Secretary, Rev. Ruasang Darlong leh Secretary, Rev. Nagendra Debbarma, SANMIO a\angin Rev. Lalthlamuana leh Rev. Khuanglianthanga, BBC a\angin Rev. Lalzuiliana te an tel a ni.