Baptist Church of Mizoram Headquaters, Serkawna Kohhran hruaitute Missionary Day hmang turin hmun hrang hrangah insem darh

0
573
views

Baptist Church of Mizoram Headquaters, Serkawna Kohhran hruaitute chu hmun hrang hrang-a insem darhin Kohhran hrang hrangte Missionary Day hmanna-ah an tel a. President, Rev. H. Lianngaia chuan Serkawn-ah a hmanpui a, General Secretary Rev. F. Ramdinmawia’n Hnahthial-a he ni hmanna-ah Pathian thu chah a sawi a, Asst. General Secretary te pawh hmun hrang hrang-ah an insem darh a ni. Kohhran tam ber chuan vawiin chawhma khan Pathian biak inkhawm an nei a, thupui atana thlan chhuah, ‘I puan in hmun chu zauh rawh’ tih tlawh chhanin ringtute tih tur pawimawh ber chu chanchin \ha la hre lote hnena hrilh darh a ni tih an sawi a ni. Mizoram chhim lama Missionary hmasa ber pahnih, Pu Buanga leh Sapupa chanchin leh an rawngbawl dante pawh Kohhran tam takah chuan tarlan a ni. Hemi hnu hian Kohhran member-te chu Pathian fakin hlim takin an zai khawm a, tlaiah a lawmna ruai an \heh a ni.

Kikawn Kohhran leh Rahsi Veng Kohhrante chuan vawiin khan mitthi an neih avangin Missionary Day hmang lovin, hun rem hmasa-ah an hmang dawn a ni. BCM Rahsi veng hian Vawiin khan Missionary Day hriatrengna lung, an Biak In bula Missionary kawtchhuah an tih-ah an phun a. He lungphun hi Rev Dr. CL Hminga’n a hawng a, Kohhran zaipawlin Haleluiah Chorus an rem a ni. Sangau-ah chuan BCM Sangau leh BCM Pennial Kohhran ten Missionary Day hi ruai nen an lawm a, hmun danga tih ang bawkin vawiin chawhma lam khan Pathian Biak inkhawm neiin thupui an ngaithla a, inkhawm banah Pathian fakin hlim takin an zai khawm a ni.