Baptist Church of Mizoram-in awmni khamin Missionary Day lawm dawn

0
825
views

Naktuk, January ni 11 hi Mizorama missionary hmasa pahnih – Rev. JH Lorrain (Pu Buanga) leh Rev. FW Savidge (Sap Upa)-in Mizoram leilung an rah \an ni, Missionary Day a ni a, Baptist Church of Mizoram chuan awmni khamin an lawm dawn a ni. BCM Headquarters chuan he ni hi urhsun taka hmang turin tualchhung Kohhran hrang hrangte a hriattir a, naktuk chawhma dar 10-ah inkhawm \anin, chawhnu lam chu tualchhung kohhran remchan dan a hman chhunzawm tur a ni a, zanah an hman chhunzawm leh dawn a. BCM kohhran hrang hrang chuan he ni lawmna atan hian tlaiah ruai an \heh hlawm dawn a ni.

Sap Upa leh Pu Buanga hian kum 1894 January ni 11-ah Sairang thlanga Changsil kai an thleng a; hemi kum vek, February ni 9-ah MacDonald Hill-ah awm hmun an khuar a, Mac Donald Hill-ah hian kum li chhung vel an awm a, an chhuahsan hma kum 1897 August ni 31-ah Rev. DE Jones (Zosaphluia’n) a fin a ni. Naktuk hi Misionary Day a nih avangin Mizoram sorkar-in he ni hi chawlhah a puang a ni.

(El-a)