Bawlhhlawh paih motor a tul dan a zirin siam danglam dawn

0
652
views

Aizawl khawpui bawlhhlawh la khawma paihna tur motor, UD&PA-in Aizawl Municipal Corporation hnena a pekte chu a \ul dan a zira siam danglam a ni dawn. ZONET zawhna chhangin AMC Mayor, Pu PC Lalhmingthanga chuan heng motor 54 zinga 49 chu bawlhhlawh tam zawk an phurh theihna turin a bang feet khat leh a chanve vela tihsan a ni dawn a, hei hi bawhzui nghal a ni ang a, hemi bakah hian khawpui bawlhhlawh hi hneh zawka an paih theih nan 407 tiat motor 5 leh pickup 4 hman belh a ni ang a, hengte hi Contractor-te kutah hnathawh nan pek a ni ang. Aizawl khawpui chhung hmun 3 – Zarkawt, Kulikawn leh Tuikual South-a kawng sira bawlhhlawh chhek khawm zawng zawng chu Thawhlehni khan paih fai vek a ni tawh a, hetianga kawng sira bawlhhlawh chhekkhawm hi a awm tawh lo a ni. Aizawl Municipal Corporation Board of Councillors, nimina \hu khawm chuan kum 2017-18 chhunga AMC sum hman tur, Revised Estimate atan Rs. 62,02,37,000/- an pawm a, hei hi Revised Estimate siam hmaa sum ruahman, Rs.53,49,11,400/- aiin Rs.8,53,25,600/-in a tam a ni. BOC Meeting hian Aizawl Municipal Corporation Area-a advertisement leh hoarding tar phalna dan, kum 2013-a lo siam tawha siam \hat ngai lai te an siam \ha a, chumi ang chuan heng thil tar theihna tur hmun remchang thlan \hat a ni ang a, Aizawl khawpui cheina ni nghal turin AMC-in inang leh rualkhai zawkin hoarding leh advertisement tarna tur te a siam ang a, nakkum February ni 15-ah zawh fel tum a ni ang. Tlawmngai pawl hrang hrang leh Kohhran-ten an duhna hmuna hoarding leh advertisement an lo siam tawhte chu kumin September thla a\anga tun thla tawp thleng hlih thlakna hun pek an lo ni tawh a, hemi hnu hi chuan hoarding leh advertisement tar duh reng reng chu AMC-a inziak lut tura hriattir an ni a, Kohhrante chu a man chawitir an ni lovang. Puan tawh angin AMC Board of Councillors \hu khawm hian Aizawl khawpui chhunga Local Council te hnatlang koh phatna, Rs.50/- ni \hin chu Rs.100/- ni tawh se, hnatlang phatna pe lote r<nna Rs.100/- ni \hin pawh Rs.200/- ni tawh se a ti a ni.