Bawng rual zinga sele khawsa enkawl zui

0
1044
views

Lawngtlai District-a Lungzarh\um Tlangpui rama kumin March thlaa sele chhuak, bawng rual zinga khawsa zui ta chu helai ramah hian a la cham reng a, Lai Autonomous District Council-a Forest Deptt. chuan \ha taka enkawl zuiin, a awmpui bawng rual bakah sepui pahnih, Myanmar a\anga leiin a bulah an dah a ni. Lungzarh\um khaw mi, Pu Cheuva bawng rual zingah he sial hi a khawsak zui zel avangin Pu Cheuva hian harsatna engemaw chen a nei a, bawngpuihnute a sawr ngam loh avang te, a bawng hi a duh anga a enkawl \hat ngam loh avangtein LADC chuan Pu Cheuva hi Muster Roll-in Forest Guard atan a ruai a, Pu Cheuva hian he sele leh a bawng rualte hi a enkawl \hawk \hin a, chi liah tirin a tih ngam dan a zawng a ni. He ramsial hian mipuite harsatna lian tham a la siam lova, amaherawhchu, a tla chhuak turin motor kawng zawh a chin avangin motor-a kalte leh kea kalten kawng sira a pen hun an nghah a ngai \hin a ni.