Bawngkawn-ah Assam Type chhungkaw 2 luah lai kang ral

0
443
views

Bawngkawn Brigade venga Pi Laldinpuii In Assam Type chhungkaw 2 luah lai chu nizan dar 8 vel khan bungrua engmah chuh hman lovin a kangral vek. ZONET thudawn danin kangmei chhuak avang hian thi leh hliam an awm lova, in kang hian a sira in dang tukverh leh tuizem te a kang chhe tel a, kangmei chhuah lai hian thli a thawt loh avangin chhiatna nasa zawk a thleng lo hlauh a ni. Kangmei chhuah chhan hi chiang taka hriat theih ni lo mahse electric kalsual vang a nih rin a ni a, Kangmei tih chhiat hlut zawng hi chhut chhuah theih a la ni lo a ni. Bawngkawn Local Council leh YMA ruahman angin vawiin khan in kang bang hi senghawi nghal a ni a, in neituten an mahnia sak that leh an duh zawk avagin in sak hnatlang erawh an ko lo a, vengchhungah vehbur an khawnsak thung. Kangmei tuartute hi an thenawm leh chhungte inah an khawsa rih a ni. Kangmei chhuahna hmun hi bialtu Minister, Pu R. Romawia chuan nizan khan a tlawh a, in neitu Pi Laldinpuii hi Rs 5,000 in a tanpui a. AMC Mayor, Dy Mayor leh Councillor thenkhatte pawhin vawiin khan vanduaina thlenna hmun hi tlawhin Rs.10,000/- in an tanpui a ni.