Bawngkawn leh Durtlang inkar kawng ping la tlang lo

0
408
views

Kawng chhak lung tla avanga Bawngkawn leh Durtlang inkar kawng ping chu a la tlang lo a, lung tla mai theite then fai mek a la nih avangin a tlang hun tur hriat theih a la ni lo. Bawngkawn khawtlang hruaitute hnen a\anga thu dawn danin, kawng chhaka lung tla mai thei tur la awmte chu vawiin khan Border Roads mite leh mi tlawmngaiten an hal darh a, Aizawl Bawrhsap hnuaia Disaster Reponse Force Team-in lung hi mihring tana hlauhawm lo thei ang ber turin kawngpui lamah an lum thla a, lung tlate hi Border Roads miten an lo thian fai zel a ni. Bawngkawn khawtlang hruaitute chuan, kawng hi naktukah siam chhunzawm a nih tur thu leh chak taka hna thawh theih a nih chuan naktuk tlai lamah kawng hi lirthei kal theiha hawn hman a ni mai thei tih an sawi a. Chak zawka hna thawh a nih theih nan mipuite chu he kawngah hian kal tlang tum lo turin an ngen bawk. Bawngkawn leh Durtlang inkar kawngpui khar a nih avang hian Durtlang leh a chhehvel a\anga Aizawl lam pan turte chu Zuangtui Selesih Road-ah kaltir a ni a. Helai kawng hi a zim bakah lirthei tlan a tam avangin traffic a tawt hle a, fel zawka motor a kal theih nan chhun zan zawmin Traffic Police an duty a ni.

Lung tlakna hmun hi vawiin khan MNF Senior Vice President, Pu Tawnluia leh National Core Committee member, Pu K. Sang\huama’n an tlawh a. Naktukah MNF-in kawngpui chhia avanga mipuite thlavang hauh nana Mizoram puma Total Bandh an huaihawt turah pawh, helai hmuna hnathawkte chu dan an nih ve loh tur thu, Bawngkawn khawtlang hruaitute chu an hrilh a, hnatlang thingpui lum nan pawisa an pe bawk. Puan tawh angin Thawh\an zan dar 11:30 vel khan kawngchhak lung tlain Bawngkawn, Durtlang road-a Pu Vanlalsiama in, Assam type chhawng hnih chu a hnawl chhe vek a, Pu Vanlalsiama-te chhung hian bungrua engmah an chuh hman lo a ni.