Bengal BJP hotu Suprabhat Batyabyal chu midang pahnih te nen a fanu rukbo thuah man an ni.

0
335
views

Ninga zan khan Suprabhat Batyabyal-a fanu hi mi tu tih hriat lohin silai nena vauin, an chenna in a\angin an ru bo a, police te’n Suprabhat-a hi thu an zawhfiahnaah a fanu rukbonaah hian a inhnamhnawih a ni tih an hrechhuak a, thu an zawhfiah hnu hian a fanu awmna pawh an hrechhuak a, Uttar Dinjpur leh Birbhum district police \angkawp te chuan Pathianni zing khan Dalkhola rel stationah kum 22 mi hmeichhia hi an chhanchhuak a ni.

Birbhum Superintendent of Police Shyam Singh-a chuan hmeichhia hi a him tih sawiin, thil thlen dan tak zawh chian a nih tur thu a sawi a, a rukbonna inhnamhnawih a pa Suprabhat Batyabhal-a leh a thawhpui pahnihte man an nih thu a sawi bawk a, engvanga hetianga che nge an nih tih an zawhfiah mek thu sawiin, chhungkaw buaina emaw politics lama hriat hlawh duh vang emaw a nih a rin thu a sawi. Suprabhat Batyabyal hi thla 5 vel kalta khan Trinamool Congress a\angin BJP-ah a inlet a, TMC a zawm hma hian CPI(M)-ah district committeee member a lo ni \hin a ni.

Suprabhat Batyabhal-a fanu rukbo anih thu mipuite’n an hriat hnuah buaina a chhuak nasa hle a, Suri a\anga Katwa panna kawng chu ni 3 chhung mipuiten an dang a, district-a BJP hotute’n mi sual ruain TMC te’n hemichhia hi an ru bo tia an puh hnuah, mipuite chuan TMC MLA Manirul Islam chuanna motor te an bei a, a sahim nan police station-a dah a ngai hial a ni.