Berawtlanga Mizoram Science Centre-ah van lam thil, arsi leh ni heltu (planets) enna tur, Telescope thar bun a ni.

0
405
views

Telescope thar hi Mizoram Science Centre-a Chief Scientific Officer, Dr. RK Lallianthanga’n Mizo mipuite, a bik takin zirlaiten \angkai taka van lam chanchin an zirna turin vawiin khan a hlan a, Dr. RK Lallianthanga chuan Telescope thar hi Rs. 4,29,297/- senga lei anih thu sawiin, hmarchhak biala telescope ken sawn theih chi-ah chuan a lian ber nia an hriat thu a sawi.

Telescope hlanna inkhawm hi Mizoram Science Center Curator, Pu Renthlei Hnuna’n a kaihruai a, Education Assistant, Pi Lalrinnungi sawi danin Telescope hi inches 16-a hlai, feet 5.5-a sei a ni a, telescope hmang hian a let 180-a lianin arsi a hmuh theih a, van thengreng-a planet leh arsi chi hrang hrang 42,900 a zirchian theih a ni.