Bhima Koregaon thubuai chungchanga Maharashtra Police-in Press Conference a neih vangin Bombay High Court a lungawi lo hle.

0
391
views

 

Justice Bhatkar chuan he thubuai hi la ngaihtuah tur leh mipui hriata puanzar khap a la nih laia Police lam zawkin Press Conference an ko mai chu a dik lo a ni tih a sawi a, hemi chungchanga Bombay High Court-a petition thehluttu, Satish Gaikwad chuan police-te hian he thubuaia inhnamhnawiha puhte hi mipui hriat loha thu zawhfiah an duh angin sawi mahse, mi nawlpui hmaah pawikhawihtua puhte inpuanna leh thuziak dangte mipui hriatah an tlangzarh niin a sawi a, thubuai hi National Investigation Agency kuta hlan a dil bawk a ni.

Puan tawh angin Maharashtra Police chuan thla hmasa ni 28 khan Maoists lam \antute nia puh mi eng emaw zat an man a, an in an dapna-ah an puhna finfiah theihna tur thil eng emaw zat an man niin an sawi a, tun ningani-a an chungchang thu ngaihtuah a nih hma chuan House Arrest-a awm rih turin Supreme Court chuan a lo ti tawh bawk a ni.

Man zing ami, ukil ni bawk Sudha Barahdwaj chuan police-te’n lehkha an tlangzarh hi phuahchawp vek niin a sawi ve thung a, mihring dikna chanvo humhalh kawnga mi inhmang tak a nih avangin, dan bawhchhia anga lantir tumna mai mai niin a sawi a ni.