BHU buaina-in ziaawm lam la pan thei lo

0
340
views

Banaras Hindu University-a buaina chuan ziaawm lam a la pan thei lo a, buaina hi sosang thei reng a la ni. Political party \henkhat chuan he buaina hi Uttar Pradesh-a BJP sorkar chak lohna lantirtu niin an sawi a, zirlaite lungawi lohna chu awm an tihpui thu leh, police-te’n zirlaite kut an thlak chu an dem thu, Congress party hruaitute chuan an sawi. BHU Vice-Chancellor, Girish Chandra Tripathi chu he buaina chungchang sawifiah tur hian Human Resources Ministry-in Delhi-ah an ko niin zirlaite chuan an sawi a, Tripathi hian buaina chhuah \an chhan chu pawn lam mite vang nia sawiin, Inrinni-a PM, Narendra Modi-a’n Varanasi khawpui a tlawh laia buaina chawh chhuah tumte ruahman l^wk niin a sawi. Vice Chancellor hian hmeichhe chhaih nawmnah tih pawh hi chuti tehchiam a ni lo nia sawiin, infiamna satliah deuh tak niin a sawi a, an University chhungah ven himna \ha pangngai tak an neih thu leh, hmeichhia lungawi lohna zawng zawng an ngaihthlak vek theih loh thu a sawi avangin zirlaite an lungawi lo zual hle a, hmeichhe zirlaite chuan University hung chhungah eng a \hat tawk loh thu leh, CCTV pawh a awm loh thu te, vengtute biak an harsat thute pawh an sawi a, pawn lam mi pawh an lut fo nia sawiin, mawi lo tak takin an hmeichhiate an chhaih nawmnah \hin niin an sawi a ni. Varanasi Dist. Bawrhsap, Nitin Gokarn pawhin state Chief Secretary hnena a report-ah chuan buaina chhuah chhan chu BHU thuneitute inthlahdah vang niin a sawi a, chhaih nawmnah tawkte harsatna an bengkhawn tawk loh avangin he buaina hi a punlun ta niin a sawi.
Varanasi Police-te pawhin Chief Secy. sawi dan hi thil awm dan niin an sawi a, he buaina irh chhuah hlimah khan University thuneitute thil tih dan a dik lo niin an sawi.

He buaina chhuaka police-ten zirlaite kut an thlak avang hian UP sorkar chuan Additional City Magistrate pathum leh police pahnih chu an hna a\angin a chawlhtir a, Lanka PS-a Station Officer, Rajiv Singh pawh sawn a ni. State CM, Yogi Adityanath chuan he thil thlen dan leh media lam mite pawh kutthlak an nih chungchang hi chhui chiang turin Bawrhsap a hriattir tawh a, media lam miten police kut an tuar avang hian thuthar lakhawmtu \henkhat chu CM kawtah lungawi lohna lantirin an \hu khawm a ni. PM, Narendra Modi leh BJP President, Amit Shah pawhin Uttar Pradesh CM, Yogi Adityanath biain, thil awm dan an sawipui tawh bawk.