Vawiin khan Biate khawtlangin Zialung Community Hall-ah kumina Mizoram khawpui fai bera a thlan an nih an lawm a, UD&PA Minister, Pu Zodintluanga’n a hmanpui a, sorkar \anpuina tel lova khaw fai ni tura Biate mipui \an lakna chu entawntlak a tih thu a sawi a, Mizoram khaw tam tak tan entawntlak nia a ngaih thu a sawi. UD&PA Minister hian Biate fai lawmpuina atan hian an khaw tana thawh tur pawimawh, cheng nuai 50 man project lo siam turin VCP a hrilh a ni. Biate khaw fai lawmna-ah hian bialtu MLA, Pi Vanlalawmpuii Chawngthu pawhin thu sawiin, India rama khawpui fai ber lawmman dawng thei tura \an la zel turin a sawm a ni. UD&PA Department chuan kuminah hian District Headquarters leh Census Town-ah khaw fai inelna a siam a. Category pahnihah Biate hian lawmman pakhatna a la a, a pumpuia fai ber lawmman an la bawk ni.
