Kolkata-a Sahitya Akademi bultuma Mizo Academy of Letters leh Government Hrangbana College-a Mizo Department \angkawpin Mizo hnam peng pakhat Biate \awng zirhona an buatsaih chu I&PR Director, Pu David L. Thangliana’n a hmanpui a. Biate hnam chu Mizo hnam hrang hrang zinga thlang tla hmasa an nih thu sawiin, Mizoram mai ni lo \henawm State – Assam, Manipur leh Tripura-a awm darh an nih avangin an awmna hmuna \awng lian zawk leh chak zawkin a nek reng vangin Biate \awng chu ral mai hlauhawm khawpin tawng humhalh ngai zingah a tel ta tih a sawi. He zirhona hi Mizo Academy of Letters President, Prof. Laltluangliana Khiangte-in a kaihruai a, thupui sawi hawngtu Pu Darchuailova Renthlei chuan, Biate te chu Mizo hnahthlak dangte ang thovin Chhinlung chhuak an ni tih a sawi a. Vawiina Biate |awng zirhonaah hian an chanchin chhui zauna te, an inrelbawl dan leh an sakhaw biak dan thlenga mithiamte paper buatsaih an zirho a ni.
