Biate Village Council leh Biate Welfare Society Aizawl hruaituten Chief Minister Pu Zoramthanga hmuin Biate khua-in Khawzawl District-a beh an duh thu leh, District thar hnuaia Civil Sub-Division Office Biate khuaa dah an duh thu an thlen.

0
52
views

Biate khawtlang hruaitute hian Biate khua chu Champhai District chhunga awm a nih laiin, MLA Constituency-ah Serchhip District Hrangturzo Biala awm a nih avangin kawng tam takah an dinhmun a laklawh hle a ni, an ti a. Khawzawl District thar lo pianga beh chu Biate khuain lungrual takin an duh tih an hrilh a, Khawzawl District thar a taka hlawhtling chho mekah Biate chu SDO(Civil) \huthmun atana remchang nia an hriat thu pawh CM hi hrilhin, Biate-a dah ngei turin an ngen a ni.

Biate khawtlang hruaitute hian P&E Minister Pu R. Lalzirliana, RD. Minister Pu Lalruatkima leh Law Minister Pu TJ. Lalnuntluanga te pawh kawmin an ngenna hi an sawipui a ni.