Bihar-a ran chaw leina sum tihchingpen thubuaiah Lalu Prasad Yadav thiam loh chantir

0
679
views

Bihar-a ran chaw leina sum tihchingpen thubuaiah state CM hlui, Lalu Prasad Yadav chu thioam loh chantir a ni a, CM a nih lai, kum 1991 leh 1994 inkarah khan Deoghar Treasury a\angin cheng nuai 89 chuang, dik lo taka lak chhuah nia ngaih a ni. He thubuaiah hian Lalu Yadav hi thiam loh chantir a nih b^kah, hrem a nih dan tur chu kum thar January ni 3-ah puan tura tih a ni a, state CM hlui dang, Jagannath Mishra erawh chu tiam chantir a ni. Court thuchhuak ngaichang tur hian Lalu-a hian t<kin khan a fapa naupang zawk, Tejaswi Yadav hruaiin Special CBI Judge, Shiv Pal Singh-a court a thleng a ni. He thubuaiah hian mi 38, charge sheet siamsak an ni a, an zinga 11 phei chu an thi tawh a ni. Lalu-a chuan Bihar mipuite chu he court thuchhuak avanga boruak tisosang zawnga thil ti lo turin a ngen a, sorkarin politics thilah amah chu beih ngaihna a hriat loh avangin, court hmanga hrem a tum ta niin a sawi.