Bihar BJP hruaitu, naupang 9 su hlumtu hrem phut

0
384
views

Kar kalta khan Bihar Muzaffarpur-ah BJP hruaitu Manoj Baitha-a’n a motor-in naupang 9 a su hlum a, vawiin khan State Assembly-ah eptu pawlten hrem phutin an lungawi lohna an lantir. Naupang rual a sut hnu lawk hian Manoj Baitha hi a car atang hian chhukin a tlanbo nghal a, vawiin thleng hian man a la ni lo a, he thil thlen laia a bula lo awmte chuan Baitha hian zu a rui hle tih an sawi a ni. Bihar-ah hian zu khap burna dan hman mek a nih vangin, rorel lai sorkar hian sawisel a hlawh lehzual hle a, State CM, Nitish Kumar-a lamtang JDU nena thawkdun, BJP chuan, Manoj Baitha chu an party member nihna kum ruk chhung hlih sak a nih thu an puang a, hei pawh hi eptu pawlte chuan an sawisel nasa hle a, Baitha hi hei aia na zawka hrem an phut thute an sawi a ni.