Bihar Chief Minister hlui, Lalu Yadav-a ranchaw leina kaihhnawiha cheng vbc tel tih chingpen thubuaia thiam loh chantir tawh, kum 14 tang tura hrem mekin bail a dilna chu Supreme court in ngaihtuahin, CBI te thil awmdan a zawt.

0
284
views

Chief Justice Ranjan gogoi-a kaihhruai Supreme Court bench chuan CBI te chu hapta hnih chhunga thil awmdan court-a thehlut turin a ti a, RJD hotupa Lalu-a hian a bail dilna, Jharkhand High Court in a hnawl sak chu Supreme court ah hian a khinglet a ni.

Lalu YAdav hian January ni 10 khan High Court ah hian bail dilna a thlen a, hetah hian a kum a upat tawh avang leh zunthlum natna in a tih buai bawk avang te, bp sang leh natna dang a neih avang te in bail-a chhuah a dil a, a dilna hi high court chuan a hnawl a ni.

Lalu Yadav-a hi kum 1990 chhova chief minister anih laia cheng vbc 900 zet hu ran chaw leina sum tih chingpen thubuaiah thiam loh chantir a ni.