Bihar Muzaffarpur shelter home pakhata naupangte chunga pawikhawihna rapthlak tak thleng kaihhnawihah Bihar Minister hlui Manju Verma-i pasal chu Police te kutah a inpe.

0
382
views

 

Chandrashekhar Verma hi thla khat aia rei a tlanbo tawh a, Begusarai District Court ah a inpe ta a, hemi hmalam hian Patna High Court chuan interim bail a dilna chu \um engemawzat a lo hnawl sak tawh a ni. September thla khan Police te chuan Chandrashekhar Verma manna tur thupek an lo ti chhuak tawh a, Muzaffarpur-a hmeichhe naupangte pawngsual leh nghaisak thubuai chhui mektu CBI chuan Arms Act tlawh chhanin Chandrashekhar Vermna lakah hian thubuai an ziak lut a ni. June thla-a Muzaffarpur shelter home-a thil thlengah hian hmeichhe naupang 34 zet chu pawngsual leh mipat hmeichhiat thila khawih chingpen an ni tih hriat chhuah a ni a, He thila mawhphurtu bera puh Brajesh Thakur leh Chandrashekhar Verma te hian inzawmna an nei nia puhna avangin a nupui Manju Verma hi August ni 8 khan Minister anihna a\angin a bang a ni.