BJP hian Mizoram Assembly seat 24-a an candidate turte leh Telangana Assembly seat 27-a an candidate turte leh Madhya Pradesh Assembly seat 177-a an candidate tute an puang a, an party Election Committee Secretary, Union Minister JP Nadda chuan candidate turte hi ningani zan khan peihfel a nih thu leh an Party President Amit Shah leh PM Narendra Modi-te pawh a thlanna ah hian an tel ve tih a sawi bawk. Madhya Pradesh-ah bik hian BJP MLA ni lai mi 27 chu thlauhthlak an ni dawn a, an zingah hian Urban Development Minister ni lai, Maya Singh leh Forest Minister Gaurishankar te pawh an tel a, Gaurishankar hi a fapa-in a ai a awh dawn a, State CM ni lai, Shivraj Chauhan chu a dinna ngai, Budhni bialah ding leh tura tih a ni.
