BJP-in hmarchhak bial mipuiten BJP-ah rinna an nghat lawmawm ti

0
566
views

BJP chuan hmarchhak bial mipuiten BJP ah rinna an nghat chu lawmawm an tih thu an sawi a, Tripura leh Nagaland-a hnehna an chan bakah Meghalaya ah pawh congress ni lo sorkar din tura hma an lak tur thu an sawi. BJP General Secretary Ram Madhav chuan Agartala ah chanchinbumite kawmin thil kalphung thlakthleng chu BJP auhla a nih avangin hei hi mipuite pawhin tha an ti tih a lo lang chhuak a ni a ti a, hnehna an chan theihna turin Prime Minister Narendra Modi chuan rim takin hna a thawk a, campaign tum thum a neih bakah state pathuma inthlanna hmachhawn tura BJP inbuatsaihna zawng zawng a vilpui reng a ni a ti. BJP hruaitu lu PMO-a Minister of State nilai Dr Jitendra Sing pawhin state pathuma inthlan result chu therhlo engemaw hmanga intihlawmna satliah tawpna lantirtu a ni a ti a, Prime Minister Narendra Modi leh BJP President Amid Shah te kaihhruaina hnuaiah hmarchhak bial chu ram chhung hmun dangte nen nghet taka suih fin a ni at a ni a ti. Minister of State for Home Affairs Kiren Rijiju pawhin state pathum inthlan result chu politics bung thar kaina a ni a ti a, hei hian ram chhung hmun dangah pawh nghawng a nei lian hle dawn a ni a ti.