BJP-in Mizoram vil tura a ruat, Pu Pawan Sharma-a’n BJP-in thuneihna a chang a nih chuan \halai hnathawh tur nei lote tan hnathawh tur nuai 2 an ngaihtuah dawn niin a sawi.

0
254
views

Vawiina Lungleia an party chhung inkhawm a hmanpuinaah Pu Pawan Sharma chuan, Congress Party kaihhruaina hnuaia Mizoramah \halai hnathawh tur nei lo \hahnem tak an awm chu BJP chuan pawi a ti hle tih a sawi a, heng mite hian hnathawh tur an neih theih nan Skilled Development lamah \an an la dawn a, hemi piah lamah hian inkalpawhna \ha lo te, kawlphetha awm mumal lo \hinte chu siam\hat vek an tum dawn tih a sawi. BJP chu Hindu pawl tia sawi awm \hin chu thudik tawk lo nia sawiin, Pu Pawan Sharma chuan, BJP-ah hian Kristian te, Muslim leh sakhaw hrang hrang an leng vek nia sawiin, Mizorama sorkar an siam hunah pawh Kristian pa ngei Chief Minister a ni dawn niin a sawi.

He inkhawm hi Lunglei District BJP President, Dr. Aichhunga’n a kaihruai a, an party zawm thar mi engemawzat chu Pu Pawan Sharma hian a lawmlut a ni.