BJP in nakuma Lok Sabha inthlanpui neih rualin state 11 Assembly inthlanna buatsaih dan tur a ruahman mek nia hriat a ni.

0
2905
views

 

NDTV in a tarlan danin BJP in a ruala inthlanna neih a rawtna enchhianna chikhat ni tura ngaih state 11 inthlanna Lok Sabha inthlanna neih ruala buatsaih tur hian ram danpui siam\hat kher a ngai dawn lo a, hei hi political party \henkhat chuan an duh loh thu an lo sawi tawh a ni.

Odisha, Andra Pradesh leh Telangana te chu nakkum kum lai hawla Assembly term tawp tur an ni a, thiam taka ruahmanna siamin Rajasthan, Madhya Pradesh, Chhatisgarh, Haryana, Maharastra, Mizoram, Jharkhand leh Bihar inthlanna te pawh a ruala buatsaih theih dan a awm dawn nia ngaih a ni. Hetianga a ruala inthlanna buatsaih thei tur hian Nakum April-May thlen hmaa an term tawp tur State thenkhat chu President’s Rule-a dah lailawk an ngai dawn a, chutihrualin hemi hnu lama an term tawp turte chu an hun tawp hmaa inthlan puan hnan an ngai dawn bawk.

He ruahmanna hi tihpuitlin anih chuan November-December chhoa term tawp tur Madhya Pradesh, Rajasthan, Chhatisgarh leh Mizoram te chu President’s Rule-a dah an ngai dawn a, Haryana, Jharkhand leh Maharastra te chu nakum November-December -a an term tawp tur a ni a, Bihar chu 2020 a ni thung a, heng state te hi NDA sorkarna vek an nih avangin assembly dinglai te chu thiatin Lok Sabha inthlanna neih ruala inthlanna tir mai theih tur an ni.

Prime Minister in Lok Sabha inthlanna neih ruala State Assembly te inthlanna buatsaih ve a duh thu kum 2 kalta vela a sawi chhuah a\angin political party te ngaihdan a inang thei lo a, Sorkar laipui chuan inthlanna a ruala buatsaih a nih hian inthlanna kaihhnawih sum senso nasa takin a tlak hniam phah dawn niin a sawi. Congress, Trinamool Congress, Aam Aadmi Party, DMK, Telugu Desam Party leh JD(S) te chuan he ngaihdan hi an tlawp lo a, tunhnaia Law Commission report chuan Lok Sabha leh Assembly inthlanna hi kum 2019 a\anga \anin a ruala neih theih ang ang neih chhoh nise tiin rawtna a lo siam tawh a ni.