BJP kaihhruai sorkar laipuiin Citizenship (Amendment) Bill, 2016 a ruahman chu tum nei rana ram neitu ( Indigenous people)-te dikna chanvo leh nihna tihchhiat tumna nia an ngaih avangin Prism Party-in UNO Special Rapporteur-ah an thlen.

0
285
views

Sorkar laipuiin Citizenship (Amendment) Bill, 2016 a duan chu tih puitlin a nih chuan Mizorama ram neitu Mizo hnahthlakte chimralna kawng hawnna tur niah PRISM Party chuan an ngai tih sawiin, hei hi inchimral theihna remchang ni satliah mai lovin tum nei rana ram neitu (Indigenous people)-te dikna chanvo leh nihna tih chhiat tumna nia an ngaih thu sawiin, he ruahmanna hi United Nation Declaration on the Rights of Indigenous People (UNDRIP) kalh nia an ngaih thu an sawi a. Hemi chungchanga hmalatu ber Special Rapporteur cum Chairman of Working Group on the Rights of Indeginious People, Pi Victoria Tauli Corpuz hnenah vawiin khan Citizenship (Amendment) Bill, 2016 chungchang hi an thlen a, a \ul anga hmalakpui turin an ngen a ni.