BJP leh ZPM thawk ho anga mipuiin an ngaih theih nan ZPM Chief Minister Candidate, Pu Lalduhoma thlalak, BJP Symbol leh serthlum rawng chuanna lehkhabu MNF Party-in an thehdarh nia sawiin, ZPM-in he thil hi chhui chiang turin Aizawl Police Station-ah thubuai an thehlut.

ZPM thuchhuah tarlan danin, he lehkhabu hi nimin atang khan Serchhip leh Aizawl West-I biala MNF mi leh saten an thehdarh a, a buatsaihtu chu MNF Geneneral Headquarters-a Media, Publicity & I.T Monitoring Cell niin, kristian ramah hetiang thu dik lo leh politic rimchhe tak hmanga Kristian-te inkara inbeihna lo awm ta chu ZPM Geneneral Headquarters chuan pawi a ti a, ringtute tih awmah a ngai lo tih sawiin, hetiang titute hi zawn chhuaha a \ul anga hrem an nih theih nan Police -te chu hmala turin an ngen a ni.