He inkhawm hi BJP Mizoram Pradesh President, Prof. JV Hluna leh Hmarchhak biala BJP Election incharge, Manas Deka ten an hmanpui a, thusawiin Pu Manas Deka chuan Mizoram Assembly inthlanna neih turah a buaipui turin Central-a an party hruaitute amah chu an ruat niin a sawi a, inthlanna an hmachhawn turah hian lungrual taka thawhho a \ul tih a sawi a, kum 25 lai Congress-in Mizorama ro a rel chhungin mipuite mamawh a pe thei lo nia sawiin, Prime Minister, Pu Narendra Modi-a ngaihpawimawh thil pathum kawng \ha, eng \ha, tui in tur \ha mipuite pek an tum dawn niin a sawi a ni. BJP Mizoram Pradesh President, Prof. JV Hluna pawhin kumin October thla tirah an party National President, Pu Amit Shahan Mizoram tlawhin an party office a hawng dawn niin a sawi a, chumi hnu chuan an party ti chak turin nasa zawkin \an an la dawn niin a sawi a, tun hmalama thudik lo hmanga party dangten thu an thehdarh \hin chu tuna internet hmanga thil engkim hriat theih a nih hnuah midangte bum chingte chu an mangang ta niin a sawi a ni.
