Hetah hian Central BJP-in hmarchhak biala inthlanna vil tura a ruat Pu Manas Deka bakah State BJP President, Prof. JV Hluna leh Gen. Secretary, Ramthansanga te an tel a, Prof. JV Hluna chuan BJP-in Mizoramah hmabak eng tak a nei nia sawiin, an kalna lam apiangah BJP member an pung zel niin a sawi a, Mizoram inthlanna kumin kum tawp lama neih hnuah nakkum a\ang chuan Central-a BJP sorkar hruaitu Pu Narendra Modi-a Policy a taka chhawr theih a beiseiawm niin a sawi a ni. Prof. JV Hluna chuan tun hnaiah BJP ni lo party dangah te buaina lian tak tak a thleng niin a sawi a, buaina chhan lian ber chu lal nih leh nawmchen la kham loten midangte tan seat kian harsa an tih vang niin a sawi a ni. Prof. JV Hluna chuan Congress Party chhungkaw buainaa Home Minister, Pu R. Lalzirliana chunga thil tih dan chuan Congress party nih phung dik tak a pho chhuak niin a sawi a, Congress party kalphung chu inthlahchhawng lalna, Royal Family intihbingna tilangtu niin a sawi a ni. Thusawitu dang, Pu Manas Deka chuan Mizoram mipuite chu State dang nena khaikhinin tlem zawk mahsela, thingtlang miten harsatna an tawh chu a nep chuang lova, an harsatna sukiang turin sorkar dinglaiin hna a thawh \hat tawk loh avangin inkalpawhna kawng, ei leh bar lama intodelh, eng leh tui \ha taka mipuite pek kawngah tih tur tam tak a la awm niin a sawi a, Mizoram thar siam chu BJP thil tum niin a sawi bawk. He inkhawm hi Saitual Unit-1 President, Pu Lalremmawia’n a kaihruai a ni.
