BJP Mizoram Pradesh-in vawiin khan Lengteng bial huam chhung Ngopa-ah Booth Level Block Conference an hmang.

0
340
views

He inkhawm Ngopa Jubilee Hall-a neih hi BJP State President, Prof. JV Hluna, N.E Co-ordinator, Pu Sundar Pal leh State General Secretary, Pu Vanlalhmuaka’n an hmanpui a. Prof. JV Hluna chuan India chu khawvela ram \hang chak berte zing ami nia sawiin, hei hi Prime Minister, Naredra Modi-a’n \hahnemngai taka ram a kaihhruai vang niin a sawi a. Sorkar laipuia BJP hruaitute chu a tlangpuiin nupui nei lova ram tana inpe an nih hlawm avangin ramin a \hat phah niin a sawi. Prof. JV Hluna chuan Mizo mipuite aia thuawih leh tihnuam ram dangah pawh an awm bik lo nia sawiin, hetihrual hian mitdelin mitdel vek a hruai chuan khuarkhurumah an tla dawn tih a chiang angin, tun hma zawnga ram hruaitute khan tun dinhmun bak min thlen pui ngaihna an hriat loh avangin Mizoram chu hetiang hi a la ni ta niin a sawi a.

Tun hnai maia kawngchhiat lutuk vanga damlo khaw kar kawnga thui tak zawn ngai a an la awmte chu thil lungchhiatthlak tak niin a sawi a ni. BJP State President chuan Asian Games neih meka Mizo nula Nl. Lalremsiami’n Silver Medal a dawng thei chu BJP Mizoram Pradesh chuan an chhuang hle tih a sawi a, BJP-in thuneihna a chang a nih chuan \halaite theihna tak tak haichhuak turin tun aia nasaa \an lak a nih tur thu a sawi bawk.

BJP-in hmarchhak bial vil tura a ruat, Pu Sundar Pal pawhin Mizoramah hian BJP-in hnehna an chang ngei dawn nia sawiin bial zawng zawngah hnehna chang turin hma an la dawn a ni a ti a. Mizorama BJP chakna tur zingah BJP chu tumah thlei bik nei lova, mi zawng zawng chawi kan chu an thupui a nih avangin an chak dawn a. Tun hmaa Mizo mipuiten sorkar an lo hriat tawh ang ni lo sorkar ngelnghet tak an din dawn niin a sawi. Pu Sundar Pal chuan BJP hlauhawm anga thu thehdarh chu thu dik lo niin a sawi a, a sawitute hian BJP kalphung dik tak mipuiin an hriat an hlau hle niin a sawi bawk. State General Secretary, Pu Vanlalhmuaka pawhin Mizoram tluchhe mek tungding turin BJP-in thuneihna a chan a ngai tih sawiin hei hi a hlawhtlin theih nan mipuite chu an vote hmanga thawhpui turin a sawm a ni. He inkhawm hi District President, Pu Lalhriatpuia’n a kaihruai a ni.