BJP Mizoram Pradesh-in vawiina Biate Zialung Community Hall-a Hrangturzo Constituency Booth Level Conference an hman chu Mizoram Incharge, Pu Manash Deka’n a hmanpui.

0
305
views

 

Thusawiin Pu Manash Deka chuan Biate khua chu khawfai tak, Asia-ah pawh khawfai ber ni thei a ni tih sawiin, Mizoram mai ni lo, India-a faina kawngah midang kawhhmuhtu leh kaihhruaitu nih tum zel turin a chah a, Mizoram hmun hrang hrang a fankualnaah inkal pawhna kawng \ha a awm lo chu mak a tih thu sawiin, hetiang kawng neih hi mipui duhthlanna a nih a rin loh thu a sawi a, tun ang dinhmun \ha lova siamtu chu Congress sorkar a ni tih sawiin, Congress chu State dangah pawh an duh tawh loh party niin a sawi a,

BJP chuan mipui mamawh hrang hrang a te ber a\anga a lian ber thlengin pek a tum dawn niin a sawi a ni. Pu Manash Deka chuan Prime Minister Narendra Modi a kaihhruaina hnuaiah mi retheite chu an VIP an ni nghal a, an damloh nikhuaa an inenkawl nan kum khatah cheng nuai 5 thleng pek theihna tur Scheme thar siam niin a sawi a ni.

He inkhawmah hian Aizawl District Mahila President, Pi Vanlalzawmi leh he bial viltu, Pu K. Sangzuala’n thu an sawi bawk.