BJP Mizoram Pradesh mi thenkhatin an President chunga an lungawi lohna entir

0
629
views

BJP Mizoram Pradesh mi \henkhatin an President, Prof. JV Hluna chunga an lungawi lohna an lantir. Heng mite hian vawiin khan an lungawi loh thu hi Vanapa Hall kawtah an sawi a, hemi hnu hian Republic venga BJP pisa-ah Press Conference neih tumin an pan a. Engemaw chen an innawr buai hnuah buaina lian zawk chhuak lovin lungawi lo pawl hi an \in darh leh ta a ni. Vanapa Hall kawta Pu Laldinliana kaihhruaia an kal khawmnaa tel, hmun hrang hrang a\anga lo kal an party hruaitu nia insawi te chuan, an party President, Prof. JV Hluna an duh loh thu te, a kaihhruaina hnuaiah an party chu a tla chhe mek nia an hriat thu te an sawi a, thusawitu \henkhat chuan, Pu Lal Thanhawla chu Governor-a dah tura sorkar laipuia rawtah Prof. JV Hluna hi an puh bawk a ni. Hemi hnua lungawi lo pawlin thuchhuah an siama an sawi danin, Prof JV Hluna, an party President a nih phat a\angin an inrelbawlna tur sum, Rs. 3,00,000, Pu Majumdar-a’n a rawn pek a\angiun an General Secretary, Pu Vanlalhmuaka’n Rs 80,000 a \ham \hen nghal a, Prof. JV Hluna’n Rs 60,000 a \ham \hen nghal bawk nia sawiin corruption-a bul \anah an puh a, an party hnathawh nana sum an neihte hman a nih dan a dik loh avangin an party-in hma a sawn theih loh phah nia sawiin, kum 2013 Assembly inthlana an party sum hman dan dik tawk lo hmuh chhuah a nih avanga an party mi \henkhat hnawhchhuah an nih thu leh Mizoramah an party hmasawnna tur ti\huanawp zawnga an kal avangin an Prsident Prof. JV Hluna chu bang ngei tura an phut thu an sawi a ni.

He thil thleng chungchangah hian ZONET zawhna chhangin an party President Prof JV Hluna chuan, heng mite hi an party miten an office kawtah an lo dawngsawng a, thil an inhrilhfiah a buaina awm lovin an \in darh leh ta a, hetih lai hian amah chu a office chhungah a awm a, lungawi lo pawl mi tumahin amah an hmu lo niin a sawi. Larsap atana Pu Lal Thanhawla rawta puh a nihna pawh thu dik lo nia sawiin, Pu Lal Thanhawla chu a rawt lo niin a sawi bawk.

Vawiina thil thleng chungchanga BJP Mizoram Pradesh thuchhuahah chuan, an party tihbuai tumna chu vanduaithlak an tih thu an sawi a, party \henkahtin BJP lian zel tur tih\huanawpna atana hmanruaah an hmang nia an ngaih thu te, BJP-ah pawisa a tam nia hriaa chanvo duh avanga BJP-a lutten an beisei leh duh ang an hmuh loh \hin avanga tal buaiin, buaina an thlen nia sawiin, hetiang mi hi an party-a awm atan an duh loh thu leh, tuna buaina siamtute chu BJP hminga thil huaihawt tawh lo tur leh an mahni tirtu party-ah lungawi takin awm mai se an duh thu an sawi bawk.