BJP Mizoram Pradesh President, Prof. JV Hluna’n Aizawl West I biala Bye Election neih turah Candidate hran siam lovin MNF Candidate an thlawp dawn tih Zonet a hrilh.

0
352
views

Prof. JV Hluna chuan, West I bial Bye Election neih turah hian a tirah chuan Candidate siam ve ngei \ha an ti tih sawiin, Central lama an hotute hnenah pawh rawtna an thlen a, amah erawh chu nikum maia Assembly inthlanpui neih zawh takah khan Mizo mipuite lakah BJP chu an tlaknat vak loh avangin an rawtna chu hnawlin, Central lama an hotute chuan Bye Election neih turah hian Candidate siam ve loh mai \ha an ti a, an hotute duh dan chu \ha an tih thu leh an thlawp thu sawiin, he Bye Election neih turah hian MNF an thlawp tur thu Official-in puang lo mah se, MNF chu NEDA-a an thawhpui sa a nih avangin an Candidate chu an thlawp dawn tih a sawi.

Puan tawh angin BJP hian ningani khan ram puma Lok Sabha inthlanpui neih tura an Candidate \henkhat an puang a, hetah hian Mizoram Lok Sabha inthlan neih turah Mizoram State BJP Vice President nilai, Pu Nirupam Chakma ruat a ni a. Hemi chungchangah hian BJP Mizoram Pradesh President, Prof. JV Hluna chuan, Candidate chu Central lama an hotute ruat a nih avangin an thlawp thu leh hnehna an chan ngei theih nan theihtawp an chhuah tur thu Zonet a lo hrilh tawh a ni.