BJP Mizoram Pradesh President, Prof. JV Hluna’n Congress chhungkuaah khi a awm belh zela, lal chhungkaw din duhlotuten Congress Party chu an chhuahsan zel dawn niin a sawi.

0
543
views

 

Lunglei Bazar venga BJP Lunglei District Office-a vawiina an party chhung inkhawma hmanpuinaah he thu hi sawiin tunah hian an Vice President hnawhchhuah tak chuan nasa takin Congress party chhungah nghawng a nei niin a sawi a ni. Prof. JV Hluna chuan, MNF chu Central lama BJP em em, Mizorama BJP hlau leh si nia sawiin, MNF sorkarin kum 10 chhunga Mizoram an sawisak dan kha Mizo mipuiten an la theihnghilh lova, Mizoramin inthlanpui a hmachhawn turah fimkhur taka mipuiin vote an thlak a \ul a, MNF an vote chuan Pu Zoramthanga an vote a, Congress an vote chuan Pu Lal |hanhawla an vote a, ZPM an vote chuan Pu Lalduhoma an vote tihna a ni dawn a, BJP an vote erawh chuan Mizoram thar siam tura theihtawp chhuahtu BJP leh sorkar laipui chak taka kaihruauitu Prime Minister, Narendra Modi an vote a ni tih hre turin mipuite a chah a ni.

He inkhawm hi Lunglei Lunglei District BJP President, Dr Aichhunga’n a kaihruai a, Minister hlui Pu H. Lalruata pawhin thu a sawi a ni. Party hrang hrang a\anga BJP zawm thar mi engemawzat chu Prof. JV Hluna’n an party-ah a lawmlut a ni.