Pathianni-a Goa CM Manohar Parrikar-a thih hnuah a ai awhtu kum 46 mi Sawant leh minister 11 dang, BJP thawhpui Maharashtrawadi Gomantak Party leh Goa Forward Party te tiamin lakluh an ni a, Goa Governor Mridula Sinha chuan rinawmna thu a tiamtir a ni.
Manohar Parrikar-a kaihhruai cabinet-a minister-te bakah MGP-a MLA 2 Sudin Dhavalikar leh Manohar Ajgaonkar leh GFP MLA te Vijai Sardesai, Vinod Palekar leh Jayesh Salgaonkar te lakluh an ni, BJP MLA Mauvin Godinho, Vidhwajit Rane, Milind Naik leh Nilesh Cabral te pawh Sawant-a kaihhruai Cabinet-ah lakluh an ni a, Independent MLA Rohan Khaunte leh Govind Gawade te pawh Governor hian a lalut bawk.
Sawant hian CM atana lakluh anih hmain Goa Legislative Assembly-a Spaker a nihna atangin banna a thehlut a, BJP party chuan mawhphurhna sang tak an pe tih sawiin politics-a amah kaihruaitu chu Manohar Parrikar a ni tih a sawi.
