Vawiina Lawngtlaia Chanchinbumite a kawmnaah tun\um inthlanah NDA in hnehna a chang a nih chuan Mizorama District Council te chu thuneihna sang zawk pek an nih theih nan hmalak chhunzawm a ni ang a ti a, amah chu lo tlingzo lo palh pawh nise, Central a BJP kaihhruai Sorkar a ding leh dawn nia sawiin, Mizorama District Council ten thuneihna lian zawk an neihtheih nan an bei zui zel dawn niin a sawi.
BJP Candidate chuan kum engemawzat a vei leh chuan Chittagong Hills Track a Tribal hnam engmawzat Mizoram-ah an la tlan lut ngei ngei dawn niin a sawi a, Mosolman ten henglai tlang mite an nekchep chhoh zel vang leh Mizoramah duh ang ang an rawn luhtheih loh vangin, Refugee ang in mi tamtak an la rawn lut dawn a, heihi Foreign Policy mumal tak hmanga lo dan lawk a ngai a ni ti.
Chanchinbumite zawhna chhangin Pu Nirupam Chakma hian MP leh Assembly by-election ah MNF nen Official a thawhdunna emaw, thawhdun lohna emaw an sawi loh thu sawiin, NEDA zawmtu MNF ten NEDA khaidingtu BJP te Mizoram a an hmuhdan chu a dang deuh nia an hriat thu a sawi a, State danga BJP ten Sorkar a an chanvo neih ang MNF Sorkar hnuai a an chang lo chu hriatthiam har an tih thu a sawi.
