BJP MP Candidate, Pu Nirupam Chakma-a’n thlan tlin a nih chuan Candidate dangte ang lo takin diltu ni lovin pe tu a ni zawk dawn tih a sawi.

0
422
views

Vawiina Siaha Siaha BJP Office-a thuthar thehdarhtute a kawmnaah he thu hi sawiin, MP a tan thlan a nih chuan Mizoram tan theihtawp a chhuah tur thu leh tun \uma MP Candidate zingah amah chu experience nei awmchhun a nih avangin Mizoram tan a \ha ber niin a sawi.

Pu Nirupama Chakma chuan, Mizoram hmingthanna chu State ralmuang a nihna a ni tih sawiin, State ralmuangah chuan hmasawnna hnathawh a awlsam hle laia an hnufum hle chu thil inhmeh lo tak a ni, a ti a. State ralmuang ber hian engvangin nge hmasawnna hna chak taka a thawh theih loh ang tih chu a zawhna a nih thu leh thlan tlin a nih chuan Mizoram zirna chu State dangte el pha tura \anlak a nih tur thu a sawi.

Pu Nirupama Chakma chuan, Bangladesh Chittagong Hill Tract-ah kum 1947 thleng khan mihring cheng zinga zaa 90 chu tribal an ni a, Muslim chu zaa 3 chauh an ni a. Tunah erawh Muslim chu zaa 50 dawn an awm tawh tih sawiin, Tribal te chu chimralin an awm mek a, hei hi Mizoram tan a hlauhawmna chu Chittagong hi Muslim-in an luah a nih vaih chuan tribal-te nen an indo dawn a, hei hian Mizoram ramri thleng a nghawng dawn a, he harsatna awm thei hi Foreign policy hmangin a chinfel theih a, Bangladesh-a Chakma emaw tribal emaw awmte chu Mizorama an lokal chuan Muslim hovin an ram an neihsak dawn avangin Mizorama lo luh an duh dawn lo niin a sawi a. Hetiang hi thil awm dan a nih avangin Muslim chu Mizoram tan hnawksak tak an la nih dawn avangin MP a thlan a nih chuan sorkar laipuiah he thil thleng thei hi thlenin a ven dan ngaihtuah tura hma a lak tur thu a sawi.