Pragya Thakur hi kum 2008-a Maharashtra Malegaon-a bomb puakah khan a tipuaktua puh a nih vangin man a ni a, a hriselna a \hat tawk loh vangin bail-a chhuah lailawk tir a ni. Unlawful Activities Prevention Act hnuaiah te, The Indian Penal Code leh The Arms Act and the Explosive Substances Act hnuaia thubuai a nei lai a ni.
Parliamentary Consulative Committee member atana Pragya Thakur ruat a ni chu eptu pawl Congress chuan a sawisel nasa hle a, firfiaka chea puh BJP sorkarin consulative committee member-a a ruat chu ram mipui leh ram venhim hna thawktu sipaite zah lohna lian tak a ni a ti.
Congress Secretary Pranav Jha chuan Pragya Thakur-i chanvo pawimawh tak chelhtir chu mipui rorelna kalphungah a \ha lo tih sawiin, BJP chu an ngaihtuahna hmang \ha leh turin a ngen a ni. Parliamentary Consultative Committee member-ah hian Jammu & Kashmir-a National Conference Leader, a ina pawn chhuak thei lova hren mek, Farooq Abdullah pawh a tel a ni.
