BJP National General Secretary, Pu Ram Madhav-a’n BJP chu Mizorama sorkar siamtu zingah a tel ngei dawn niin a sawi.

0
477
views

Vawiina Aizawla thuthar thehdarhtute a kawmnaah he thu hi sawiin, Pu Ram Madhav chuan Mizoram Assembly inthlanna neih turah BJP chuan Mizorama danglamna thlentu ni turin mipuite a sawm tih sawiin Mizoram hian tun aia Mizoram \ha zawk te, sorkar \ha zawkte, \halaite hmasawnna tak tak duhtu leh hmasawnna tam zawk thlen thei sorkar neih chu a phu hle tih a sawi a, mipuiten tun aia \ha zawk kawngpui, damdawi in, zirna leh zin veivahna neih an phu a ni a ti. Pu Ram Madhav chuan, Pu Lal Thanhawla kaihhruai Mizoram sorkar chuan hmasawnna hnathawh a ngaihthah hle nia sawiin, hei hi kawng hrang hrangin mipuiten an tuar mek tih sawiin nimin mai khan Lunglei leh Champhai District a tlawh a, hetah hian hmasawnna hnathawh mumal a awm lo tih chiang takin a hmu nia sawiin, Prime Minister, Narendra Modi kaiihhruaina hnuaiah State hrang hrangin hma a sawn mek zel a, Mizoram sorkar pawhin sorkar laipui a\anga \anpuina a dawng chungin a taka hnathawh a tlem hle niin a sawi.

Pu Ram Madhav chuan BJP-in thuneihna an chang a nih chuan eirukna tihtawp a nih tur thu sawiin tuna Mizoram kalphungah chuan hmun tinah eirukna a awm a, Chief Minister ber pawhin eirukna chu tihtawp mai theih a nih loh thu a sawi hial nia sawiin, hei hian tuna sorkar dinglai chak tawk loh zia a pholang chiang hle niin a sawi. Pu Ram Madhav chuan, Mizoram sorkarin tihngaihna a hriat loh Aizawl khawpui chhung Traffic tawt lutuk chu BJP-in thuneihna a chang a nih chuan tihtawp nghal a ni dawn niin a sawi a, Mizoram chu a ram leilung a mawi avangin khualzin hipna \ha tak a ni thei a, hemi lamah pawh hian \an lak a ni dawn niin a sawi bawk.

Pu Ram Madhav chuan Mizo hnam leh sakhua chu an zah hle tih sawiin Mizote Mizo-na tibawrhbang zawnga hmalak a nih loh tur thu a sawi a, Mizoramin zalenna a sual laia rammute pawh an phu tawk chhawmdawlna pek an ni dawn niin a sawi bawk.