Pu JP. Nadda hian nimin khan State hrang hrang BJP President-te Video Conferencing hmangin Covid 19 hri leng vanga ram pum inkharkhip thawh thumna kalpui tur chungchang a sawipui a. State tina an Party President-te chu sorkar hmalakna uluk taka thli thai turin a chah a. Hmarchhak bial bikah chuan Mizoram tih loh State dang zawng chu BJP sorkar-na tih theih vek a ni tawh a, an sorkar lohna state Mizoramah pawh harsatna an tawk a nih chuan ziakin emaw, phone hmangin emaw amah leh DoNER Minister, Dr. Jitendra Singh hnena hriattir nghal turin a chah a ni.
BJP Mizoram Pradesh hian Inrinni khan an President, Pu Vanlalhmuaka hovin Covid 19 thlir letna leh mipui tana hmalak dan tur an ngaihtuah a. Central Sorkar-in inkharkhip kalphung a tih danglam chhoh hret hret angin State pawna hnathawk leh Zirlai tangkhangte hruai haw nan Special Train hman chhoh mek chu Hmarchhak bial mipuite pawhin an hman \angkai ve ngei theih nan hmalak an rel a ni.
