BJP Party-in Lok Sabha inthlan lo awm tur atana an candidate tur te an puang chhuak.

0
100
views

BJP party hotu hlun JP Nadda-a’n Candidate turte hi New Delhi-ah a puang a, state 20-a candidate turte hming 184 a puang chhuak a ni.
BJP Central Election Committee chuan Bihar-a an candidate tura a pawm tawhte list pawh puanzar turin State Committee hnenah a thawn tawh bawk a ni.
PM Narendra Modi chu Lok Sabha inthlanah hian Varanasi-ah a ding leh dawn a, BJP President Amit Shah chu Gujarat Gandhinagar bialah a ding ang a, party hotu hlun, Union Minister nilai Rajnath Singh-a chu Lucknow bial-ah a ding dawn a, Nagpur bialah Nitin Gadkari a ding ang a, Jaipur Rural bialah Col. Rajyavardhan Rathore a ding dawn bawk.

Union Minister Smriti Irani chuan Amethi bial a chuh dawn a, DV Sadananda Gowda chu North Bangalore-ah a ding dawn a, Arunachal West bialah Kiren Rijju a ding ang a, Ghaziabad bialah Gen VK Singh, Gautam Buddh Nagar-ah Dr Mahesh Sharma leh Mathura bialah lemchanthiam Hema Malini a ding dawn bawk a ni.

Mumbai North Central biala ding turin Poonam Mahajan ruat a ni a, Dr Jitendra Singh chu Udhampur bialah a ding dawn a, Khalid Jahangir chu Srinagar bialah, KJ Alphons chu Ernakulam bial-ah dingin Thiruvanathpuram bialah K Rajasekharan a ding dawn a ni. BJP zawm thar Baijayant Jay Panda chu Odisha-a Kendrapara biala ding tura ruat a ni.

BJP party hian Odisha Assembly election-a dingtur candidate 100 te hming a puang tawh bawk a, Assembly-a party hotu Kanak Vardhan Singhdeo chu Patnagarh biala ding tura ruat a ni a, Minister hlui Jay Narayan Mishra chu Sambalpur bialah dingin, BJD chhuahsana BJP zawmtu Minister hlui Dr Damodar Rout chu Ersama-Balikuda bialah a ding dawn a ni.