BJP party-in Nathuram Godse \an zawnga \awng chhuak an candidate te insawifiah turin a hriattir.

0
523
views

Bhopal bial-a BJP candidate Thakur-i’n Ningani khan Mahatma Gandhi kaphlumtu Nathuram Godse chu fakin mahni ram hmangaihtuah a chhal a, a thusawi hian ram mipuite thin a ti ur hle a, sawiselna karah Thakur-i chuan Mahtma Gandhi a zah thu leh ram tana a hnathawh chu engtikah mah theihnghilh theih a ni dawn lo tih sawiin mipite ngaihdam a dil leh a ni.

Hetiang boruak karah hian BJP MP Nalin Kumar Kateel-a chuan Twitter-ah Godse chu Rajiv Gandhi nen tehkhinin Godse chuan mi pakhat a that a, mifirfiak Ajmal Kasab-a chuan mi 72 a that a, Rajiv-a chuan mi 17,000 a that a, tunge nunrawng zawk tiin a \awngchhuak a, a thawhpui Anant Kumar Hedge chuan kum 70 hnuah thlir dan thara dem a kai ta chu a lawm thu leh Nathuram Godse pawh a lawm a rin thu a sawi chhuak ve leh bawk.

BJP party chuan Nathuram Godse \an leh fak zawnga \awngchhuak, an candidate 3, Pragya Singh Thakur, Union Minister Anant Kumar Hedge leh Nalin Kumar Kateel te chu ni 10 chhunga insawifiah turin a hriattir a, Amit Shah chuan heng candidate te hian ngaihdam dil tawh mahse an thusawite hi BJP party ngaihdan kalh anih avangin disciplinary committee ten an chungthu a ngaihtuah ang a ti.

Election Commission chuan BJP candidate Pragya Singh Thakur-i thusawi chungchangah Madhya Pradesh Chief Electoral Officer chu report thehlut turin a hriattir bawk a ni.