BJP President, Pu Amit Shah-a’n Mizorama Congress sorkar dinglai chu na takin a bei.

0
543
views

 

Vawiina R. Deng\huama Indoor Statdium-a BJP-in Booth Level Members Conference a buatsaihah thu sawiin, Pu Amit Shah chuan, Congress sorkar-in eirukna leh lalchhungkaw sorkar chiah an hnutchhiah nia sawiin, Chief Minister Pu Lal Thanhawla’n NLUP a sem tur sorkar laipuiah nasa takin sum a dil a, a dil hlawhtlin hnuah a taka hnathawh nana hmang lovin eiruk nan an hmangral mai mai niin a sawi a, vawiina Aizawl a lo thlen hnua |huampui Helipad a\anga Mualpui a pannaah, kawng chhia vangin \um 40 chuang a insawh nia sawiin, he hi PWD enkawltu Pu Lal Thanhawla hna thawh \hat loh vang niin a sawi. Mizoramah kawlphetha siam theihna remchang tam tak a awm chunga vawiin thlenga state dang a\anga lakluh ngaia an la awm rengte chu thil \ha lo nia sawiin, BJP-in thuneihna an chang hunah chuan kawlphethaah Mizoram chu a intodelh mai ni lovin state dangah an hralh chhuak tawh dawn a ni, a ti.

Pu Amit Shah chuan hmarchhak bial mai ni lovin Mizoram tan bik pawh BJP Sorkar-in nasa takin hma a la niin a sawi a, Congress hun laia Finance Commission 13-nain Mizoram tana sum a ruahman chu BJP kaihhruaina hnuaia Finance Commission 14-na chuan a let hnih aia tamin a tipung tih a sawi a, Chhingchhipah cheng vbch. 51 chuang sengin Sainik School din mek a ni a, State Referral Hospital siam nan vbch. 40 pek a ni tawh a, Aizawl Cricket Stadium sak nan vbch. 11 pek a nih tawh bakah State Sports Academy pawh bul\an chhoh mek a ni a, Aizawla tui hnianghnar a awm theih nan cheng vbch. 22 pek a ni a, Horticulture College pawh bul\an mek niin, Bairabi a\anga Sairang thleng rel kawng sial mek a ni bawk a, hetiang khawpa tam hmasawnna hna thawh nan Mizoram Sorkar hnenah pawisa pek a ni tawh chungin a taka hnathawh hmuh tur a awm mumal lo chu thil mak tak a ni a ti.