BJP President, Pu Amit Shah-a’n November ni 28-a Mizoramin inthlanpui a hmachhawn turah BJP chuan MNF emaw Congress emaw party dang thawhpui a nei dawn lo tih a sawi.

0
308
views

 

He thu hi vawiina R. Deng\huama Indoor Statdium-a BJP-in Booth Level Members Conference a buatsaihah sawiin, party dang an thawhpui dawn lo mai ni lovin an party worker-te chakna hmangin bial 40-ah candidate an siam dawn niin a sawi. Pu Amit Shah chuan, tunah hian hmarchhak biala state 8 zinga 7-ah BJP-in thuneihna a chang tawh tih sawiin, a bang la awm chhun Mizoramah pawh thuneihna an chang dawn tih a chiang tawh niin a sawi a, Krismas lo thleng tur chu BJP Sorkar hnuaiah mipuiin an hmang ngei dawn niin a sawi.

Tun hma chuan hmarchhak bial chu eirukna leh hlemhlet hluarna a ni \hin nia sawiin, tunah chuan an hnam nun zemawi leh khawsak phungte sawi lan a ni tawh zawk a, hei hi hmasawnnaa chhawm nung zel turin BJP chuan hmalak a tum a ni, a ti a. Hmarchhak bial chu BJP-in a ngaipawimawh tih sawiin, Prime Minister, Narendra Modi pawhin Central Minister-te chu hmarchhak bial tlawh turin a bikin a hriattir a, inkalpawhna kawngpui a \hat theih nan te, inbiak pawhna leh hmasawnna chi hrang hrang a thlen theih nan a taka hmalak a ni dawn niin a sawi.

BJP Booth Level Members Conference ah hian Mizoram Congress sorkara minister hlui, tunhnaia MLA a\anga bang ta, Dr BD Chakma leh LADC-a EM hlui Pu JB Rualchhinga te chu midang bakah BJP ah lawmluh an ni.

Conference hi BJP Mizoram Pradesh General Secretary, Pu Vanlalhmuaka’n a kaihruai a, BJP Mizoram Pradesh President, Prof. JV Hluna, Assam Finance Minister, Pu Himanta Biswa Sharma leh BJP National General Secretary, Pu Ram Lal-te pawhin thu an sawi.

Mualpuia Booth Level Members Conference neih a nih hnu hian Upper Republic-a BJP Office thar, Atal Bhawan chu Pu Amit Shah hian a hawng a. Hemi hnu hian |huampui Helipad a\angin Lengpui \umhmun a pan a, New Delhi lam panin a haw leh nghal a ni.