Pu Nalin Kohli hian inrinni khan Mizoram a lo thleng a, hemi zana an party office-a amah kawmtu thuthar lakhawmtute zawhna chhangin he thu hi a sawi a, hmarchhak bial state dang zawngah BJP in thuneihna a chan tawh avangin tun hmaa inkalpawhna kawngpui chhe \hinte chu siam\hat a ni deuh vek tawh niin a sawi a, Assam-ah pawh tun hmaa kawngpui chhe \hin chu siam\hat choh mek niin, hmarchhak bial zingah Mizoram chu tun dinhmunah kawngpui chhe ber a ni a ti a, a siam\ha turin BJP-in thuneihna an chan a ngai a ni, a ti.
Zawhna chhangin Pu Nalin Kohli chuan, India ram hmun hrang hrang chengte chuan hnam nunphung leh sakhaw rin zawngte, ei leh in duh zawng te an nei hrang vek tih sawiin, hei hi ram danpui hnuaiah pawh mi tin zalenna a ni a, Bawng sa ei duh lo te, vawksa ei duh lo te, sangha chauh eite, sa hrim hrim ei duh lote pawh an awm a, chung chu mimal duh thlanna a nih avangin hetiang thilah hian BJP chuan inrawlh tumna a nei lo niin a sawi a. BJP chu ram danpuia innghat a nih angin mimal zalennaah inrawlh tumna a nei lo niin a sawi.
Nalin Kohli chuan, Prime Minister, Narendra Modi kaihhruai sorkar laipuiin hmasawnna intluk tlang a awm theih nana, development for all programme a kalpui hnuah state dangte chuan hma an sawn mek a, he programme chhawr ve lo awm chhun chu Mizoram a ni a ti a, hei hi hmasawnna hnathawhna tur sum lo kal chu thuneituten an eiruk zawh \hin vang niin a sawi.
