Black Sea Resort Hotel-ah kangmei chhuak, mi 11 thi

0
572
views

Georgia rama Batumi khawpuia Black Sea resort-a hotel pakhatah kangmei nasa tak a chhuak a, mi 11 an thi a, mi dang 21 an hliam bawk. Georgia sorkar thuneitute chuan chhawng 22-a sang, Leogrand Hotel-a kangmei chhuah chhan hi hriat chian a la ni lova, mei khu hak avangin mi 11 an thi a, thite hi tunge an nih hriat tumin an bei mek niin an sawi. Batumi Health Minister chuan hliamte hi damdawi inah dah an ni tawh a, an dinhmun pawh a ziaawm tawh niin a sawi a, he hotel-ah hian Pathianni khian Miss Georgia thlanna buatsaih tum a ni a, he hotel-a thleng, intihsiaka tel tur, mi 20 chu an him niin an sawi.