Boracay tuipui kam khar dawn

0
267
views

Philippine thliarkar pakhat, khualzinte tlawh nasat, Boracay tuipui kam chu a bawlhhlawh lutuk tawh avangin thla 6 chhung khualzinte tlawh theih lova khar a ni dawn. President Rodrigo Duterte thupuangtu chuan April ni 26 a\ang khian he thliarkar hi khar a ni dawn tih a sawi a, President Duterte hian kumin kum tir lam khan Boracay tuipuikam vel hi bawlhhlawh paihna hmun chikhatah a chang mai dawn nia a lan avangin khar mai a \ul tur thu a lo sawi lawk tawh a ni. Hetianga thliarkar khar tumna hian he thliarkar behchhana eizawng leh hnathawktu tam takte a tibuai nghal a, he thliarkarah hian tourism kaihhnawih sumdawnna chi hrang hrang 500 vel a awm mek a, kum khata an sum lakluh pawh Dollar Tld. 1.07 vel zet a tling phak a ni. Sorkar chuan thliarkar khar anih avanga tuartu Company te chu tangkafaia \anpui an nih tur thu a sawi.