Lung in tangte hi pawl hnihah an in\hen a, heng pawl pahnihte hi rawng takin an inbei a, he inbeihna hi zing dar 7 vela thleng a ni a, darkar 5 vel chhung an inbei a ni.
Tang zingah ‘Comando Classe A’ pawlte chuan an elpui pawl dang, Comando Vermelho te khungkhawmna an hal a, mi tang engemawzat an kanghlum a ni.
State Prison Director, Jarbas Vasconcelos chuan tangte hian police officer pahnih an hreng tih a sawi a, tang zinga pawl hnihte hian an elpui pawl dangte beih chu an thil tum ber a nih avangin police officer an hren te chu an chhuah leh thuai niin a sawi.
Video-a a lan danin lung in tangte chuan lu an tan te chu lawmin chhuatah an pet kual a, hei bakah hian building pakhat a\angin meikhu a chhuak a, meikhu chhuah lohna building dang chungah tang zinga mi \henkhat an tei kual reng bawk a ni.
Altamira lung in hi mi 200 vel leng tura sak a ni a, amaherawhchu, mi 309 tang an awm avangin a tawt hle a ni.
Ministry of Justice chuan buaina chawkchhuaktu chu federal tan inah khung hran an ni dawn a, venhimna pawh khauh lehzuala kalpui a ni dawn tih a sawi.
