Zirtawpni khan coronavirus a kai leh kai loh in test in, a kai lo tih finfiah a nih thu a sawi. Armed Forces Hospital and diagnostic laboratory Sabin chuan President Jair Bolsonaro chu COVID-19 a kai lo tih an finfiah thu President Facebook page ah tarlangin, Bolsonaro-a’n coronavirus a kai tih thuthang dik lo chu awih lo turin mipui an chah a ni.
Bolsonaro-a communications chief, Fabio Wajngarten-a’n COVID-19 a kai tih finfiah tih hriat a nih atangin Bolsonaro-a dinhmun hi a derthawng hle a, Brazil hmarchhak lam a zin tur pawh a \hulh nghal a ni.
Bolsonaro hian COVID-19 a kai lo tih finfiah a ni chu hnehna chang ang hialah a in ngai tih a sawi bawk. US a President Trump, Vice President Mike Pence leh US sorkar hotute Wajngarten nena an tlawh dun hnu lawka thil thleng a ni.
