Breaking News | Rinhlelh kai list confidential document pûtchhuak nia langah Mizo tel ve, Police-te’n chhui, hlauhthawmah ngai rih lo nia thu dawn a ni

0
790
views

March ni 14 leh ni 21 inkara Delhi Nizamuddin leh a chhehvel metre 250 aṭanga metre 500 bial chhunga Hmarchhak mi awm te ziahna list, Confidential Document pûtchhuak (leak out) nia lang pakhatah Mizoram nena inkungkaih vawi 24 a lang. Hei hi Mizoram Police-te chuan an chhui nghal a, hlauhthawnawmah an ngai lo nia thu dawn a ni.

Document thuhmahruai-ah hian phone hmangtute hi tuna an awmna a ni kher lo thei tih leh, phone number neitu hming hi tun dinhmuna a phone neitu emaw, kawltu emaw pawh a nih kher loh theih thu te, SIM Card book laia a book-tu hming leh chenna te tarlan a nih thu a inziak bawk a ni.

He Document-ah hian phone number 464 tarlan a ni a, heng phone-te hi a neitu hming leh veng-te nen a tam zawk chu tarlan a ni bawk a, Delhi Nizamuddin tlawhtu leh a chhevel paltlang an nih thu tarlan a ni a, helai hmuna ni 3 awm tlingte chu a rang thei ang bera thu zawhfiah leh medical screening tih tur an nih thu te a in tarlang bawk a ni.

He Document-ah hian Mizoram chu vawi 24 tarlan a ni a, heng zinga 20 chu Mizo an ni a, a dang 3 chu hnam dang an ni a, 1 dang leh chu company pakhat hotu hming a ni a, a vai hian “Low Risk” category-ah dah a ni a, hei hi a awmzia chu – ni khat chauh Nizamuddin-a châm emaw, an chhui ni (March 14 – March 21) inkara helai hmun paltlang emaw, an phone signal-in a man phaka awm tihna a ni.