Brexit vote lakna-ah Theresa May-i kaihhruai sorkar chak lo

0
518
views

Britain ramin European a chhuahsanna tur bawhzuina, Brexit chungchanga British Parliament-a vote lakah PM, Theresa May-i kaihhruai sorkar a chak lo a, MP-te chuan Brexit chungchanga thil ruahman hi siam \hat an ph<t a, mahse sorkar chuan, hei hi siam \hat a nih chuan, Britain-in European Union a chhuahsanna tur chu a buai thei dawn niin a sawi. MP 650 awmna, House of Commons-ah hian sorkar ruahmanna siam \hat thlawp zawngin vote 309 a tla a, a thlawp lo zawngin vote 305 a tla a, hemi chungchangah hian nasa takin an inhnial a, sawihona hun tawp thlengin PM leh a hote chuan MP-te chu an thil ph<t hi ph<t lui lo turin an ngen a, mahse an hlawhtling ta lo a ni. MP-te thu inchuh hi European Union chhuahsanna tur bill chungchangah a ni ber a, hei hian kum 1972-a dan siam tawh, Britain leh EU inzawmna chu a thlak ang a, kum 2019 March ni 29-a Britain-in EU a chhuahsan hunah EU dan an hman laite chu ram chhung danah chantir tum a ni.

Parliament-a sorkar duh dan hneh a nih hnu lawkah hian PM, Theresa May hian EU chungchang sawihonaa tel turin Brussels a pan nghal a, hemi hma lawk hian sorkar duh dan dodaltute zinga mi, Conservative party Vice Chairman, Stephen Hammond-a chu PM hian a ban a ni. Tun hi Pi May-i, PM a nih hnua Commons-a a tlawm vawi khatna a ni a, Labour party hruaitu, Jeremy Corbyn-a chuan PM tan chuan thil tlawmthlak tak niin a sawi.